Hi Atty. Francis Tavera Bagas an magurang hit tulo (3) nga mga anak nira Benedicto Lopido Bagas ngan Editha Amboy Tavera. Pagka graduate han high school ginikan ngadto ha Manila, nag-aram ha University of the East hin kursu na Bachelor of Science in Business Administration (BS BA) major in Management. Dara han kapobrehan, nagtrabaho hiya ha mga restaurant para maduga-ngan an iya panggastos ha eskwela. Pagkatapos maka graduate han BS BA, nag porsige hiya maka alayon dida hin usa nga banko, kun diin an iya sweldo an nagsusustinto han iya hingyap nga maging abogado dida ngahaw ha University of the East. Natapos niya an kurso han abogasiya ngan pinasar dayon han eksaminasyon pagka-abogado. Han tuig 2003 hiya in naging usa nga miyembro han Integrated Bar of the Philippines (IBP) usa nga asosasyon hin mga abogado ha bug-os na Pilipinas. Abogado liwat hiya hin mga kompanya hin mga barko nga pang international amo nga nakat hiya hin mga kaso ha langyaw nga nasud dara han iya pagiging expert han “Maritime Cases”. Eksperto liwat hiya han mga kaso han mga trabahador ngan parag-uma dinhi ha Pilipinas. Aktibo hiya han krusada kontra abuso han mga opisyal han gobyerno partikular an karukayaknon han tangkod ngan dayag nga pang-gobyernohan.
Iya igin tigdong an usa nga organisasyon han katawhan an “Borongan Multi Sectoral Consultative Association” para han pagkab-ot han katilinban nga hustisya. An katilingbanon nga hustisya in makakaplagan han katawhan kon bastante an panginabuhi ngan pagpakabuhi, patas nga pagpatuman han mga serbisyo publiko (waray political color coding), tangkod nga pagpatuman han mga balaud labi na an mga proyekto de gobyerno, ngan katungod ug gahom han mga tawo dire in igbabaligya, mapintasniya ine nga binabakdawan kay an ungod nga pagbabag-o aada han gahom han mga tawo.
